Die Dorfschelle

Nummer 3 - Ausgabe Dezember 1986

Geschäft sehr schlecht

E Schneider, heit schon ball vergeß,
das war im Ort de Martin Hess.
2s hot grad so mit Mieh un Not
gelangt bei ehm fors täglich Brot,
weil jo, wie allgemei' bekannt,
mer nit so reich werd uf em Land.
E Hos se kerze dann un wann
is nix wovon mer lewe kann.
Was fällt dann im Dorf schon o,
e Ännerung mol hie un do.
Do kann gewiß, das sin ko Faxe,
ko Bäämche in de Himmel wachse.
Daß es so war wüßt jeder schon,
nor wüßt's Finanzamt nix devon.
Es war nämlich uf emo
e Steierzettel for ehn do.
Dem Martin hots nix ausgemacht,
er hot sich mol den Wisch betracht,
un schreibt uf den Zettel dann
in grower Schrift, so gut er kann:
Zurück an obige Adreß,
Geschäft sehr schlecht, ehr Martin Hess!

Albert Hey