Die Dorfschelle

Nummer 6 - Ausgabe Juli 1988

Gemoneratssitzung

Zur Sitzung vom Geraonerat
sin allminanner do,
de Fritz, de Jab, de Heinerich,
de Philipp un de Schoo.
Aach de Jab is dodebei,
de Hannes, Willi, Peter
un de Bolemoschter noch
aach dem sei Stellvertreter.
S is manches se beschließe heit,
do werds jo sicher spät
bis aller Kram erledigt is,
wo uf em Zettel steht.
De erschte Punkt is grad geschafft,
do werd de Fritz schon mied.
De Kali der stumpt ehm in die Seit,
wie er ehn schloofe sieht.
E paarmol gibts das selwe Spiel
immer stumpt de Kall.
"Loß das," säht de Fritz do bees,
"du host se nit meh all.
Glaab nor nit, daß von allem do
nor ebbes mehr entgeht,
was mer beschloß hon, les ich jo,
wanns in der Zeitung steht."

Albert Hey