Die Dorfschelle

Nummer 8 - Ausgabe März 1989

Arwet hält jung

Es stimmt, er hot werklich viel geleist in seim Lewe. Nit nor in de Vereine war er immer aktiv, aach in der Ortsbolidik hot er sei Mann gestann. Iwwer 30 Johr im Gemonerat, lange Zeit war er sogar Beigeordneter. Im Kerchevorstand is er heit noch.

Er hot ebbes geduh for die Allgemeinheit, das muß jeder zugewe. Heit werd er geehrt. Es trifft emol one, wos aach werklich verdient hot.

Wie er do steht, de Jab, stolz un strahlend, mer sieht ehm die 80 Johr nit oo. Wammer dodegeje sei Fraa betracht, ei die sieht richtig alt un abgeschafft aus. So gehts awer im Lewe, er hot soviel geleist un hot sich debei gut gehall.

Sei Fraa, was hot die dann schon fertiggebrong? Die vier Kinner hot se gropgezoh. Na unn. Das bißje Haushalt fällt jo sicher nit so schwer ins Gewicht un die Feldarwet, wann de Jab unnerwegs war, kann jo so schlimm aach nit gewes sei.

Es stimmt also doch, daß die Arwet die Mensche jung hält.

Albert Hey