Die Dorfschelle

Nummer 10 - Ausgabe Dezember 1990

Wem sieht‘s ähnlich?

Wann e Kind kimmt uf die Welt, dauerts garnit lang,
dann komme die Verwande all un es werd ogefang.

Ach wie niedlich heert mer do, betracht die dunkle Hoor,
das is jo grad des Ewebild von seiner Oma wor.

Sei still, duht dann e anner sah, betracht nor Hänn un Fieß
un de ganze Körperbau wie bei der Tante Lies.

Un des Gesicht, werd dann verzählt, nit runzelig, schee glatt
ei das is jo grad eso wies aach de Opa hatt'.

Von jedem hot des Kindche was, den mer so rundum kennt.
Nor selte werre dodebei die Eltre mol genennt.

Albert Hey