Die Dorfschelle

Nummer 17 - Ausgabe Dezember 1999

Des Johr

Was is dann an em Johr noch dro?
Mit "Prost Neijohr" fängt mers o
un eh mer sich besinnt, ehr Leit,
is schon widder Fasnachtszeit.
So geht's weiter Schlag uf Schlag
ball is erschter Osterdaach
un kaum das Fest erum, im Nu,
geht's aach schon uf Pingste zu.
De Summer naht, doch allgemei'
bringt er uns wenig Sunneschei'.
Kaum hot sei Urlaub mer genomm
is aach erum de Summer schon.
Jetzt kimmt de Herbscht, die herrlich Zeit,
wo de Neie dann im Keller leit.
Die Newwel ziehe iwwers Land,
mer brauch schon widder Winterbrand.
Un ones Daaches dann, oweh,
do fällt aach schon de erschte Schnee.
Bis Weihnachte is es net meh weit.
Wo kam die Zeit nor hie, ehr Leit?

Albert Hey